Од полноќ дизелот станува поевтин од бензинот

Регулаторната комисија за енергетика ги утврди новите максимални малопродажни цени на горивата, кои ќе важат од полноќ.

Од 00:01 часот на 15 септември, ЕУРОСУПЕР БС-95 ќе се продава по максимална цена од 100,50 денари за литар, додека ЕУРОСУПЕР БС-98 ќе чини 102,50 денари за литар. Двата бензини поскапуваат за по 3,50 денари за литар.

Кај дизелот има поинакво движење. Цената на ЕУРОДИЗЕЛ се намалува за два денари, од 101 на 99 денари за литар. Екстра лесното масло за домаќинство поскапува за 4,50 денари и ќе чини 109,50 денари за литар. Цената на мазутот се зголемува на 48,243 денари за килограм.

Според пресметката на Регулаторната комисија, малопродажните цени на нафтените деривати во просек се зголемуваат за 2,86 проценти во однос на претходната одлука од 7 септември. Како причина се наведува растот на референтните цени на горивата на светските пазари.

Кај дизелот е применета и повластена стапка на ДДВ од 10 проценти, согласно одлуката на Владата од 13 септември. Продолжува и примената на намалената акциза кај бензините и дизелот.

Новите цени ќе почнат да се применуваат од 00:01 часот на 15 септември.