Полскиот репрезентативен пивотмен Виктор Јанковски го засилува Вардар

Од следната сезона нов член на Вардар ќе биде полскиот репрезентативен пивотмен Виктор Јaнковски. Дваесет и тригодишниот ракометар се согласи на тригодишна верност со македонскиот клуб. 

– Јанковски е висок 200 см. и ќе биде важна алка во тимот, во одбрана и во напад.
Покрај играњето во екипата на Квиџин каде сега настапува, Јанковски бил член и на Висла каде беше дел од составот што беше пријавен за настап во ЕХФ лигата на шампионите во сезоната 2019/2020, а има настап и во квалификациите за Лига Европа во 2022/2023, објави РК Вардар.

Неколку години Јанковски е дел од сениорската репрезентација на Полска, се наоѓа на поширокиот список, а минатиот месец настапи и на дуелот со Полска во квалификациите за ЕП 2026. Претходно беше на располагање на полскиот селектор и за квалификациите од ЕП 2025 и СП 2025. 

Сезонава Јанковски има постигнато 63 гола, 15 асистенции и процент на реализација од 76 отсто на упатените удари.