Поети учесници на Струшки вечери на поезијата го посетија Вевчани

Поети од земјава и странство кои се учесници на Струшките вечери на поезијата денеска предводени од директорот на манифестацијата, Тодорче Тасевски го посетија Вевчани.

Поетите биле пречекани од градоначалникот на Вевчани Сашо Јанкоски, а потоа ја посетиле поставената изложба на фотографии и факсимили насловена „Вевчани за Блаже Конески“, по повод стогодишнина од неговото раѓање.

Изложбата ја приредија новинарите Мишо Китаноски и Стојан Кукунешоски, а е поставена во Клубот на пензионери во Вевчани.

Китаноски ги запознал подетално поетите со поставката посветена на познатиот македонски лингвист, книжевен историчар, поет, професор, академик и кодификатор на современиот македонски литературен јазик, а потоа поетите ја посетиле црквата „Св.Никола“ и одржаа литературно читање. Тој ги запознал поетите и со минатотото на Вавчани, традициите, Карневалот и туристичките потенцијали што ги има оваа населба. 

Со поетското читање „Мостови“ и врачување на наградитe, „Браќа Миладиновци“ и „Мостови на Струга“ вечерва ќе заврши 60-то издание на меѓународниот поетски фестивал.