Поддршка од Еуримаж за филмскиот проект „Пролетно чистење“ по сценарио на Апчевска и Беќири

Филмскиот проект „Пролетно чистење“ по сценарио на Марија Апчевска и Ереник Беќири добил поддршка од Еуримаж – најголемиот Европски фонд за копродукции.

Како што соопшти продукцијата „Кино око“, на оваа сесија на Еуримаж поддржани се и проектите на  режисерите Рјусуке Хамагучи, Павел Павликовски, Лукас Донт, Мари Кројцер и Раду Јуде.

 „Пролетно чистење“  е во продукција на „Кино око“ и финансиски поддржан од Агенцијата за филм на Македонија.

-Проектот доби финансиска поддршка и од Грчкиот филмски центар, Грчката национална телевизија, Словенечкиот филмски центар, Филмското судио Виба и Српскиот филмски центар. Копродуценти од овие држави се филмските компании Foss Productions (Грција), Arsmedia (Словенија) и Сервиа Филм (Србија). Проектот „Пролетно чистење“ се развиваше со средства од See Cinema Network и Creative Media Programme, се наведува во соопштението од продукцијата.