Подароци и желби за успешен почеток од Верверичката за првачињата во ООУ „Кузман Јосифовски Питу“

Со среќа првачиња! Верверичката на Комерцијална банка, на првиот училиштен ден, со особена радост и возбуда ги дочека првачињата во ООУ „Кузман Јосифовски Питу“ во Скопје.

Ги изненади со подароци и забава затоа што нивниот прв училишен ден е дел од нивната најголема среќа.

Дел од забавата беа и нашите пријатели од Боренка, кои со првачињата ја полнеа виртуелната шума на Комерцијална банка. А, ние за секое нацртано дрво заедно со Боренка ќе засадиме вистинско.

На првачињата им посакуваме да стекнат многу знаење и петки и да бидат посветени и одговорни ученици, порачуваат од таму.

Следната средба им ја закажуваме во Финансиската училница на Комерцијална банка, во која Верверичката ги учи дека штедењето и одговорниот однос кон парите се добра навика за создавање здрава иднина, додаваат.

Комерцијална банка како општествено одговорна компанија останува посветена на својата мисија за поголема финансиска писменост на граѓаните затоа што е основа за безгрижна иднина и лична благосостојба.