Почнува изградбата на седмиот и осмиот блок на нуклеарната централа Козлодуј
Бугарија денеска одобри изградба на два нуклеарни реактора со американска технологија, додека најсиромашната балканска членка на ЕУ се обидува да ги диверзифицира своите извори на енергија.
Двата нови реактора ќе бидат лоцирани во местото на државната централа „Козлодуј“ на реката Дунав, која во моментов се потпира на руско гориво за двата советски реактори од 1.000 мегавати.
Единствената нуклеарна централа во земјата минатата година потпиша договори за диверзификација на испораките на нуклеарно гориво од 2024 година во обид да ги замени пратките од Русија по инвазијата на Москва врз Украина.
Двата нови реактора – што ќе обезбедат вкупно 2.300 MW – ќе ја користат технологијата на Вестингхаус, се вели во соопштението на владата.
-Првиот треба да биде готов во 2033 година, додека вториот се очекува да биде готов две-три години подоцна, рече премиерот Николај Денков.
Бугарија одвои првични 500 милиони лева (250 милиони евра) за проектот.
Козлодуј веќе потпиша договор со Вестингхаус Електрик во јуни за прелиминарни инженерски работи.