Почнува 16 издание на Фестивалот за краток филм „Астерфест“

Во Струмица вечер почнува 16. Фестивалот за краток филм „Астерфест“, кој ќе трае до недела.

Ова издание се одржува под мотото „Нови мотивации“, а во официјална интернационална конкуренција се 24 кусометражни играни, документарни и анимирани филмови.

На отворањето на Фестивалот, вечер, ќе бидат прикажани филмовите „Господата од Современа“ на Ана Алексовска, „Конструкт 24“ на Никола Ангелкоски и „И(с)згубени“ на Антонио Вељаноски, а веднаш потоа и 7 документарни филмови од категоријата „Астердокс“.

Програмата продолжува во сабота со проекција на филмовите од категоријата „Глобална фикција“ и во недела со проекција на филмовите од категоријата „Анимоушн“.

Лауерат на наградата за животно дело „Астер“ е Јан Качер, еден од најеминетните чешки и европски актери и режисери.

Жирито е составено од режисерите Ено Милкани, Панајотис Краварис и актерката Јулија Милкова.

Фестивалот ќе се одржи во Летниот амфитеатар, а е поддржан од Општина Струмица.