Петиција со 303.000 потписи против рударење литиум во Србија ѝ беше предадена на делегацијата на ЕУ
Во вторникот, петиција со над 300.000 потписи на граѓани кои се против ископувањето литиум во Србија, беше доставена до делегацијата на Европската унија во Белград, откако од Брисел беше навестено дека овој редок стратешки проект на ЕУ може да се најде на листата на стратешки проекти на ЕУ.
Во Србија во изминатите четири години се одржаа стотици масовни протести и блокади на патишта по најавата за отворање рудник за литиум поради стравувањата дека рудникот, кој меѓународната корпорација „Рио Тинто“ има намера да го отвори во земјоделски развиен регион на западот од земјата, ќе има трајни и неповратни последици за животната средина.
Владата, предводена од Српската напредна партија, претходно најави дека рудникот за литиум на „Рио Тинто“ би можел да биде отворен во 2028 година доколку се почитуваат еколошките прописи и се добијат потребните дозволи.
Српскиот претседател на Србија, Александар Вучиќ, на 25 март во Брисел, по состанокот со лидерите на ЕУ, изјави дека Унијата „за седум или осум дена“ ќе го прогласи проектот за ископ на литиум во Србија „Јадар“ за свој стратешки проект надвор од земјите на ЕУ.
„Ќе се бориме со блокади и протести на дожд, сонце и снег, а во Србија нема да се ископува литиум“, изјави денеска Саво Манојловиќ, лидер на граѓанското движење Крени-Промјени, предавајќи им на претставниците на ЕУ во Белград петиција со 303.000 потписи на граѓани кои бараат од стратешките проекти за ископување на литиум и од проектот „Jадро“.
Манојловиќ им рече на новинарите дека ископувањето на литиум во Србија „е спротивно на владеењето на правото, принципите на демократијата и еколошките стандарди“, потсетувајќи дека протестите се против овие штетни намери на државните власти и рударската корпорација, која има лоша репутација за слични проекти низ светот.
„Гласот на граѓаните е јасен – собравме 303.000 потписи“, нагласи Манојовиќ, пренесе Хина.
Тој ѝ порача на Европската унија дека мора што поскоро „ да разбере дека не може да бира дали ќе или нема да ископува литиум во Србија бидејќи граѓаните тоа нема да го дозволат по ни една цена“.
Освен движењето Крени-Промјени, за денеска и студентското движење и членовите на академсната заедница најавија собир пред Делегацијата на ЕУ во Србија и ќе предадат барање за отстапување од проектот „Јадар“, како и писмо на студентите до Европската комисија.