По средбата со Муцунски Сијарто веднаш отпатува во Вашингтон

Унгарскиот министер за надворешни работи, Петер Сијарто, го дочека својот ред да се види со американскиот државен секретар Марко Рубио. Вчера попладне тој имаше средба со македонскиот министер за надворешни работи, Тимчо Муцунски, а веднаш потоа се каќи на авион за Вашингтон. Тој нема да присуствува на меѓувладината седница на унгарската и македонската влада. Средбата на Рубио и Сијарто треба да биде денес попладне.

Иако Унгарија тврди дека има добри односи со САД, новата американска администрација се уште не се сретнала со Виктор Орбан или Петер Сијарто, а се сретна со Италијанците или со Полјаците. Се чини дека со патувањето на Сијарто во Вашингтон владата на Орбан сега брзо го надоместува ова одложување.

Со Рубио во Вашингтон имаше средба и грчкиот шеф на дипломатијата, а претседателката на Косово Вјоса Османи успеа да се сретне со Елон Маск влегувајќи во „периметарот“ на нашиот премиер.

Програмата на англиски јазик на полските јавна телевизија ТВП вчера имаше подолг прилог од 12 минути во кој ги анализираше олигарсите на унгарскиот премиер Виктор Орбан, корупцијата и кинеското и руското влијание.

„Унгарската влада отсекогаш била добра во ширењето теории на заговор и во создавањето непријатели како Сорос или Брисел“, се вели во прилогот, а потоа се споменува и дека унгарската влада започнала клеветничка кампања и против Украина и против независните новинари. Според известувачот на полската телевизија, „за среќа, стилот на ‘попустлив родител’ на ЕУ конечно заврши“.

Тоа се однесуваше на заклучокот на комитетот за правни прашања на Европскиот парламент случајот унгарската влада да се даде на Судот на Европската унија за законот за заштита на суверенитетот. Според полските јавни медиуми, тоа го поддржува и Полска, бидејќи законот, меѓу другото, ги напаѓа независните новинари и граѓанските организации.

„Унгарија денес служи како тројански коњ за Кина и Русија“, се тврди во прилогот.