Пак вандализирана Ѕвездата на Доналд Трамп во Холивуд


САД– Ѕвездата на американскиот претседател Доналд Трамп на Патеката на славните во Холивуд, беше вандализирана во протестите против расизмот и полициската бруталност во САД.

Тоа се случило завчера, кога 50.000 луѓе протестираа во најпознатиот дел на Лос Анџелес. Обележјето било целосно покриено со црна боја, а одоколу се испишани пцовки и навреди на сметка на Трамп.

Пред да стане политичар, Трамп беше бинисмен и имаше свое реално шоу, односно беше ТВ-ѕвезда. Неговата ѕвезда на Патеката на славните ja доби во 2007 година. Обележјето беше неколкупати вандализирано од политички неистомисленици.