Пад на берзанските индекси на Волстрит

На Волстрит, берзанските индекси паднаа вчера, при што Насдакк падна на територијата на корекција, како резултат на несигурноста на инвеститорите во однос на трговската политика на Вашингтон.

Индексот Дау Џонс падна за 0,99 отсто, на 42.579 поени, додека С&П 500 потона за 1,78 отсто, на 5.738 поени, а индексот Насдак за 2,61 отсто, на 18.069 поени.

Остриот пад на индексот е резултат на несигурноста на инвеститорите во однос на трговската политика на американскиот претседател Доналд Трамп. Откако ден претходно одлучи дека ќе ги одложи царините за автомобилите увезени од Канада и Мексико за еден месец, вчера Трамп ги одложи царините за сите стоки опфатени со одредбите од Северноамериканскиот договор за слободна трговија за еден месец.

Трамп првично спомна одложување само за Мексико во текот на денот, но изменетата тарифна регулатива ја вклучува и Канада.

Од 11 најважни сектори на индексот С&П 500, цените на акциите вчера паднаа во 10 од нив, а само енергетскиот сектор порасна.

Индексот Насдак драстично падна бидејќи акциите на голем број големи технолошки компании беа под притисок, спуштајќи се на територијата на корекција, повеќе од 10 отсто под рекордното ниво постигнато во средината на декември.

„За жал, конфузијата расте. Доаѓаат многу спротивставени информации: се воведуваат тарифи, тарифи се одложуваат, некои тарифи се применуваат, а некои се ослободуваат… Неизвесноста што се создава со наглите промени во политичките пораки може да им наштети на инвестициите и на целата економија. Покрај тоа, високите тарифи би можеле да ја зголемат инфлацијата“, објаснува Марк Малек, директор во SiebertNXT.

И поради високата инфлација, американската централна банка би можела да ги задржи каматните стапки на сегашните нивоа подолго од очекуваното, дури и кога економскиот раст забавува.

На европските берзи, пак, вчера цените на акциите пораснаа откако Европската централна банка ги намали каматните стапки за дополнителни 0,25 процентни поени за да го стимулира растот на економијата на еврозоната.

Иако лондонскиот ФТСЕ индекс се лизна за 0,83 отсто, на 8.682 поени, франкфуртски DAX порасна за 1,47 отсто, на 23.419 поени, а париски CAC за 0,29 отсто, на 8.197 поени.