Отишла на пливање во Јапонија – ја спасиле на 80 километри од плажата по две ноќи во океанот

Жена која ја однеле океанските струи додека пливала на плажа во Јапонија е спасена на околу 80 километри од брегот 36 часа откако исчезнала, соопштија официјални лица. 21-годишна Кинеска, која отишла на пливање со гумен „прстен“ на надувување, во понеделникот околу 19 часот и 30 минути со пријател влегла во морето кај плажата Ширахама Охама, соопшти утрово крајбрежната стража.

Властите започнаа операција за пребарување и спасување откако нејзината пријателка го вклучи алармот на плажа во централниот регион Шизуока истата вечер.

„Беше околу 19:55 часот на 8 јули кога добивме информација за исчезнувањето, кое го пријави пријател на исчезнатата жена во блиската продавница“, изјави локален претставник на јапонската крајбрежна стража.

Ја понесе морето
Жената, која не е именувана, им кажала на спасувачите дека морето ја однело и не можела да се врати на плажата бидејќи пливала со гумен „прстен“. Таа конечно беше забележана од товарен брод кој плови покрај јужниот дел на полуостровот Босо во Чиба во 7:48 часот наутро во средата, изјави официјалниот претставник.

Двајца членови на екипажот на помал танкер во близина биле контактирани преку радио и скокнале во морето за да ја спасат.

„Има 80 километри додека врана лета меѓу плажата и местото каде што беше спасена, но се верува дека таа залутала уште поголемо растојание“, рече службеникот.

По спасувањето жената била пренесена во болница, но не морала да биде примена бидејќи била трезна, а нејзината дехидрација не била опасна по живот.