Османи со писмо да пратениците: Во петок вие одлучувате за иднината!

17/08/2023 11:47
Министерот за надворешни работи, Бујар Османи, им испрати писмо на пратениците во македонското Собрание, во пресрет на утрешниот почеток на дискусијата и усвојувањето на уставните измени со кои треба, меѓу другите, да се внесат и Бугарите во Уставот.
 
„Во петок ќе одлучувате за европската иднина на Северна Македонија, определба за која работиме и работеа сите влади во изминатите 30 години. Од вас ќе зависи дали со прифаќање на промената на Уставот ќе ги продолжиме разговорите по поглавјата за членство во Унијата или ќе запреме во преговорите на подолг рок, до некоја нова шанса, без никаква гаранција за успех, поттикнувајќи го процесот на пасошизација на граѓаните кои бараат европска иднина за себе. Верувам и знам дека секој од вас сака да бидеме членка на Унијата составена од најдемократски и најбогати земји во светот која гарантира мир, демократски развој и економски просперитет“, им напишал Османи на пратениците.
 
Шефот на дипломатијата во писмото ги убедува пратениците дека, како што вели, македонскиот јазик и македонскиот идентите се зачувани.

 

„Во процесот на преговорите имавме за цел да го зачуваме и зајакнеме македонскиот јазик и македонскиот национален идентитет. Одговорно тврдам дека во тоа успеавме“, вели Османи.

Тој додава дека ги разбира стравовите од понатамошни нови обиди за негирање и наметнување нови билатерални услови.

„Јас ги разбирам сите оние што стравуваат од можностите за натамошни обиди за негирање и наметнување нови билатерални услови. Најодговорно тврдам дека историските и идентитетските прашања не се дел од патоказите и одредниците од кои зависи отворањето и затворањето на поглавјата“, додава Османи.

Поврзани содржини

Мицкоски најави „добри вести“ од средбата со британскиот премиер
Нема посмешно од тоа дека Таравари заминал поради застој на евроинтеграцијата, вели Миртезани
Муртезани: Целта е до крај на јуни да бидеме подготвени за отворање на преговорите
Австриската министерка за надворешни работи Мајнл-Рајсингер утре во Скопје
Арбен Таравари и официјално поднесе оставка како министер за здравство
Летале чаши со кафе во Собранието, Апасиев и Ристески од ВМРО-ДПМНЕ се „фатиле за гуша“
Според министерот Лимани, четири од пет пратеници на Таравари остануваат со власта
Александар Николоски пак е во Будимпешта, денес се сретна со министерот за одбрана

Најчитани