Османи ќе одговори на поканата на Милошоски ако престане да ги кочи амбасадорите
Министерот за надворешни работи Бујар Османи на претседателот на собраниската Комисија за надворешна политика Антонио Милошоски му порача дека е подготвен низ трансперентна постапка да бидат отворени сите прашања од надворешната политика, при што наедно побара од него да ја закаже и седницата на која кандидатитеасажд за амбасадори ќе можат да ги презентираат тезите пред пратениците за да можат да заминат во извршување на своите мисии во ДКП-та.
– Како што најавив во моето годишно обраќање пред Комисијата за надворешна политика во Собранието на Република Северна Македонија, подготвен сум да ги вложам сите напори за да создадеме услови низ транспарентна постапка да ги отвориме сите прашања поврзани со надворешната политика, низ почести средби и тематски седници во рамките на Комисијата. Притоа, ќе се согласите дека во духот на взаемната соработка од интерес на надворешната политика, треба да ги затвориме и останатите заостанати прашања, за што сакам да ве повикам да ја закажете и седницата на Комисијата за надворешна политика, на која ќе можат избраните предлог – амбасадори, кои веќе ги минале сите постапки и добиле согласност/агремани од земјите на упатување, да ги одбранат тезите пред пратениците, и да бидат упатени во соодветните Дипломатско – конзуларни претставништва, стои во објавата на Османи на неговит ФБ профил до Милошоски.
Милошоски претходно во писмо адресирано до вицепремиерот за европски прашања, Никола Димитров и шефот на дипломатијата Османи ги повика двајцата да излезат пред Комисијата и да го достават, како што вели, предлог-анексот врачен од Софија, во ноември минатата година, во термин што ќе им одговара во периодот од 15 до 29 јануари.
Инаку, Милошоски со месеци го развлекуваше свикувањето на собранската комисија на која амбасадорите што требаше да заминат во странство требаше да ги преставуваат приоритетите пред пратениците, веројатно во надеж дека ВМРО-ДПМНЕ ќе ги добие изборите и ќе прати свои кандидати. И по изборите тој ја блокира македонската дипломатија без објаснување, иако се испразнети голем број амбасади. Ваква практика не е видена претходно од било кој претседател на Комисијата за надворешна политика и е на штета на државата која е и смешна во светот, и дипломатијата во клучни моменти и е нефункционална. Една од празните амбасади во моментов е и таа во Софија.