ОН: Пјонгјанг со кражба во киберпросторот дошол до две милијарди долари

06/08/2019 08:31
САД – Северна Кореја заработила околу две милијарди долари „за своите програми за развој на оружје за масовно уништување, крадејќи од финансиските институции и менувајќи криптовалути со се пораспространети и се понапредни кибер напади“, се наведува во доверливиот извештај на ОН, за кој пишуваат британските медиуми.

Пјонгјанг, исто така, продолжил да ги унапредува своите нуклеарни и ракетни програми, не спроведувајќи притоа нуклеарни тестирања или лансирања на интерконтинентални балистички проектили, се наведува во извештајот што до Комитетот за санкции на Советот за безбедност на ОН му го доставиле независни експерти, по шестмесечна мисија на набљудување, наведуваат британските медиуми

Мисијата на Северна Кореја во ОН не сакаше да го коментира извештајот што на Комитетот за санкции на СБ на ОН му беше доставен минатата недела.

Во извештајот се додава дека Пјонгјанг „го користел киберпросторот за да ги испере украдените пари “.

СБ на ОН во 2006 година и воведе санкции на Северна Кореја за да и го отежне начинот на прибирање средства за развој на нуклеарното и балистичкото ракетно вооружување.

Поврзани содржини

Гренланд распиша избори на 11 март
Во Гвантанамо слета првиот авион со мигранти од САД
Замолчување на науката: Како Трамп го преобликува јавното здравство на САД
Хамас се огласи за планот на Трамп да ја преземе Газа: „Рецепт за хаос“
Дел од печатот во светот за намерата на Трамп да го „преземат“ Појасот Газа
Најмалку 11 лица загинаа во пукање во училиште за возрасни во Шведска, меѓу кои и напаѓачот
Мексико нема да дозволи САД да испраќаат мексикански мигранти во Гвантанамо
Рубио ги обвини Никарагва, Венецуела и Куба дека предизвикуваат миграциска криза

Најчитани