Од девет училишта во Чаир, седум биле изградени на диво, немаат имотни листови
Градоначалникот на општина Чаир, Висар Ганиу вчера во дебатниот магазин „Click Plus“ на ТВ21 порача дека од девет училишта на територија на општината, дури седум немале имотен лист.
Како што вели, тие биле изградени на диво.
„Ние поправаме една историја можеби 50 години што некој го наметнал така, и после легализираме се што е таму. После 63та година имаме ред блокови на згради без имотни листови, сега луѓето се снабдуваат со документи преку законот за легализација“, вели Ганиу.