Обвинителството ќе ја обжали поништената пресуда на Дани Алвеш пред Врховниот касационен суд на Шпанија

Обвинителството во средата објави дека ќе поднесе жалба до Врховниот касационен суд на Шпанија на казната на поранешниот бразилски фудбалер на Каталонците Дани Алвеш, која Апелациониот суд ја укина, пренесоа шпанските медиуми.

Тој беше осуден на четири и пол години затвор за силување на млада девојка во 2022 година, а издржа дел од казната во притвор додека траеше случајот, но Апелациониот суд потоа ја укина пресудата поради недостиг на одредени докази и недоследности во сведочењето.

Обвинителството на автономната област Каталонија преку соопштение најави дека ќе го искористат своето право „да го изнесат случајот до Врховниот касационен суд“.

Поништувањето на казната на фудбалерот предизвика многу негативни реакции во Шпанија.