Новиот турски дрон „бајрактар TB3“ заврши шестчасовен летачки тест

Завршени се пет пробни летови на „бајрактар TB3“, новиот турски борбен авион без екипаж што може да се качи на носачи на авиони на бродови.

За време на својот петти тест за изведба, новиот дрон летал на средна височина и завршил успешен шестчасовен лет.

„„Бајрактар TB3“ успешно го заврши својот петти тест за летање“, рече Селчук Бајрактар, главен директор за технологија (CTO)  на „Бајкар“ на социјалната мрежа X.

За време на третиот тест извршен на 4 ноември, ТБ3 достигна брзина од 130 километри на час.

Опремен со мотор PD-170 развиен од домашната компанија TUSAŞ Engine Industries (TEI), TB3 ги заврши тестовите за идентификација на системот при големи и мали брзини со тоа што остана во воздух шест часа на 8 ноември.

Тој е дизајниран за употреба на бродови како што е „TCG Анадолу“, новиот турски носач на авиони.

Со максимална тежина на полетување од 1.450 килограми и носивост од 280 килограми, „Бајрактар TB3“ е речиси двојно потежок од неговиот претходник, „Бајрактар TB2“. Се очекува да има домет од 1.000 наутички милји, или 1.900 километри.

Бајкар, чија стапка на извоз беше 99,3 отсто во договорите потпишани во 2022 година, минатата година оствари извоз вреден близу 1,2 милијарди долари.

Со договор за извоз на „бајрактар TB2“ во 32 земји и „бајрактар AKINCI“ во осум земји досега, „Бајкар“ има потпишано договори за продажба на своите беспилотни летала во најмалку 33 земји до денес.