Нови рекорди на Волстрит

На Волстрит, S&P 500 вчера достигна ново рекордно високо ниво, исто како и индексот Nasdaq, а тргувањето беше мирно додека инвеститорите чекаат нови вести кои би можеле да го насочат пазарот.

Dow Jones загуби 0,17 отсто, на 44.705 поени, но S&P 500 порасна за 0,05 отсто, на 6.049 поени, а индексот Nasdaq 0,40 отсто, на 19.480 поени.

Новите рекорди на S&P 500 и Nasdaq индексот главно се должат на порастот на цените на акциите на неколку технолошки гиганти, меѓу другите и на Amazon.

А тргувањето беше мирно бидејќи немаше значајни вести кои би можеле дополнително да го раздвижат пазарот, по силниот раст на цените на акциите во ноември и во текот на целата година.

Во еуфоријата по победата на Доналд Трамп на претседателските избори, индексот S&P 500 скокна за речиси 6 отсто минатиот месец, зголемувајќи ја својата добивка за годината на приближно 27 отсто.

„Оваа година пазарот забележа огромен пораст. Сега е време за пауза, пауза додека се чека нов придвижувач на пазарот“, вели Квинси Крозби, стратег во LPL Financial.

Инвеститорите во последните денови се фокусираат на изјавите на претставниците на американската централна банка.

Повеќето од нив велат дека инфлацијата е на надолна траекторија и дека пазарот на трудот е стабилен, но не откриваат дали ќе поддржат дополнително намалување на каматите во декември.

Пазарот се уште очекува дека ФЕД ќе ги намали каматните стапки за 0,25 процентни поени на состанокот во декември, но и надежите на инвеститорите дека ќе ги намалат каматните стапки на почетокот на следната година исчезнаа.

Цените на акциите вчера пораснаа и на европските берзи. Лондонски FTSE индекс зајакна 0,56 отсто, на 8.359 поени, додека франкфуртски DAX порасна за 0,42 отсто, на 20.016 поени, а париски CAC 0,26 отсто, на 7.255 поени.