Новак Ѓоковиќ го отпушти Енди Мареј: Шок за сите пред Ролан Гарос

Енди Мареј повеќе не е тренер на Новак Ѓоковиќ.

Новак Ѓоковиќ штотуку објави дека нема да ја продолжи соработката со сегашниот тренер Енди Мареј. По само шест месеци соработка, најдобриот тенисер на сите времиња само неколку недели пред Ролан Гарос објави дека нема да ја продолжи соработката со својот поранешен голем ривал.

Поранешниот најдобар тенисер на светот и еден од најголемите ривали на Новак Ѓоковиќ во поголемиот дел од кариерата ја заврши својата играчка кариера минатата година на Олимписките игри, но не мируваше долго. Сите беа изненадени кога беше објавено дека Мареј ќе ја има првата тренерска работа како тренер на Новак, а сега таа соработка заврши.

Ти благодарам тренерот Енди за посветената работа, забавата и поддршката во последните шест месеци на теренот и надвор од него. Навистина уживав додека го продлабочувавме нашето пријателство заедно“, напиша Новак во своето официјално обраќање

Thank you, coach Andy, for all the hard work, fun & support over last six months on & off the court. I really enjoyed deepening our friendship together 🙏 pic.twitter.com/iXqkdIN2Gb

— Novak Djokovic (@DjokerNole) May 13, 2025

Што го чека Новак?
Ќе видиме дали Ѓоковиќ ќе се снајде пред вториот Грен слем сезонава. Сезоната на земјена подлога засега му оди лошо, загуби на стартот од натпреварувањето на турнирите во Монте Карло и Рим, па поради тоа се пријави за натпреварувањето во Женева една недела пред Ролан Гарос. Ќе видиме како ќе игра во Швајцарија, а потоа и на најголемиот турнир на земјена подлога и кој ќе му биде тренер, ако воопшто има.