Нов договор помеѓу ЕУ и Турција: 781 милион евра за најранливите бегалци

Европската комисија и Владата на Турција синоќа потпишаа договор вреден 781 милион евра, со кој се обезбедуваат средства од ЕУ за најранливите бегалци.

Тоа е најголемиот договор потпишан со Анкара, истакна Делегацијата на ЕУ.

Договор за социјална безбедносна мрежа е продолжение на мрежата за итна социјална заштита, најголемата хуманитарна програма во историјата на ЕУ, која беше лансирана во 2016 година.

Со новиот договор се овозможува дека во следните три години, новото финансирање од ЕУ ќе и овозможи на Турција да продолжи да ги обезбедува основните потреби на околу два милиони бегалци, додека финансирањето ќе биде од корист и за локалната економија.

Со најновиот договор, од 2011 година вкупниот износ на поддршката на ЕУ за бегалците во Турција достигна повеќе од 10 милијарди евра.