Ноер се враќа по долгата пауза

Голманот на Баерн и германската репрезентација, Мануел Ноер (37), ќе брани на утрешниот натпревар против Дармштад, потврди тренерот на германскиот шампион, Томас Тухел.

Ноер е надвор од терените од почетокот на декември минатата година кога на скијање ја скрши потколеницата на десната нога.

💬 #Tuchel führt zu #Neuer aus: "Es ist eine besondere Situation. Ich spüre seine Vorfreude und seine Klasse. Er hat eine super Erfahrung. Er genießt das gerade und er kann stolz auf sich selbst sein. Er soll es genießen, und das wird ihn stark machen. Da wird noch die Anspannung… pic.twitter.com/9iePdLPC8D

— FC Bayern München (@FCBayern) October 27, 2023

„Ќе брани утре ако денеска не се случи ништо неочекувано. Тој е возбуден, ние сме возбудени, многу луѓе се возбудени поради тоа. Уверен сум дека брзо ќе биде фит, а сега ќе ѝ веруваме на неговата интуиција и искуство. Потребни му се натпревари. Тој е подготвен за нив веќе неколку недели, а сега ќе ја добие својата шанса“, рече Тухел.

Ноер одигра 489 настапи за Баерн и освои 27 трофеи, вклучувајќи 10 титули во германското првенство и 2 титули во Лигата на шампионите.

Ова за него е 13-та сезона во дресот на баварскиот клуб откако летото 2011 година дојде од редовите на Шалке 04.