„Нисан“ се сели во САД? Некои фирми видоа предност во царините на Трамп

Некои големи светски фирми, како јапонската „Нисан“ и британската компанија заоргански хемикалии „Робинскон брадерс“ гледаат предност во воведувањето високи царини од страна на САД по налог на претседателот Доналд Трамп. 

Британската компанија ги гледа царините како добра можност
Минатата година, Велика Британија извезе органски хемикалии во вредност од речиси 3 милијарди фунти во САД.

Наместо да се плашат од американските царини, британската компанија за органски хемикалии Robinsons Brothers верува дека тарифите би можеле да им помогнат да се борат со поевтините странски ривали. Според новиот режим на Трамп, увозот од Кина се соочува со царина од 34 отсто, додека производите од Индија ќе се оданочуваат со 27 отсто.

Хемикалиите на Robinsons Brothers веќе се оданочуваат со 6% кога ќе пристигнат во САД. Компанијата сега се обидува да утврди дали новите американски царини од 10% за британските стоки значат дека тарифите за нивните хемикалии ќе се зголемат за 4% или за 10%.

„Нисан“ размислува да пресели дел од своето производство во САД
Нисан, наводно, размислува да пресели дел од своето производство на возила за американскиот пазар во САД, објави финансискиот весник Никеи. Да потсетиме дека Трамп нагласи дека сака да ја рестартира американската индустрија со своите царини.

Никеи известува дека Нисан наводно планира да го намали производството во својата фабрика во Фукуока, а потоа да префрли дел од производството на својот теренец Rogue во САД за да го ублажи влијанието на царините на Трамп.

Италија против воведувањето контратарифи кон САД

Италијанскиот министер за економија Џанкарло Џорџети денеска потврди дека е против воведувањето контратарифи за САД.

Говорејќи на бизнис форум во близина на Милано, Џорџети рече дека Италија бара „деескалација“ со САД.

„Треба да избегнеме да започнеме политика на контратарифи што може да биде штетна за сите, но особено за нас“, рече Џорџети.

Според плановите на Трамп, Италија, која има голем трговски суфицит со Соединетите Држави, ќе биде предмет на сеопфатна царина од 20 отсто заедно со другите земји од Европската унија.

Американскиот министер за финансии: Од царина годишно би можеле да заработат од 300 до 600 милијарди долари
Американскиот министер за финансии Скот Бесент предвидува дека САД би можеле да соберат од 300 до 600 милијарди долари годишно од царините.

„Првично, ќе имаме значителен приход од тарифите. Потоа приходите од фабриките, од данокот на доход од сите нови работни места ќе се зголемат. Така, ние ќе го заработиме тоа на домашно ниво како што ќе се намалат тарифите“, рече Бесент за Такер Карлсон.