Никол Кидман се чуди на „неверojaтно малиот “ број филмови режирани од жени

Кан – Австралиската мегаѕвезда Никол Кидман во неделата се пожали на „неверојатно малиот“ број на хит филмови снимени од жени режисерки и откри дека често се буди во 3:00 часот наутро за да го напише своето лично сценарио.

И покрај нејзините напори да поддржува и менторира проекти предводени од жени, бројот на филмови снимени од жени меѓу филмовите со најголема заработка „е неверојатно низок“, рече таа кога ја доби наградата Kering Women In Motion на Филмскиот фестивал во Кан.

57-годишната актерка, добитничка на Оскар, се појави пред камерите  во црна кожна јакна и фармерки, додека присуствуваше на разговорот за „Жени во движење“ на Керинг, во хотелот „Маџестик“ во Кан. Настано ги здружува двата бренда за да им оддадат признание на жените кои дале значаен придонес во филмот, и надвор од екранот.

Кидман вети во 2017 година дека ќе работи со жена режисерка барем еднаш на секои 18 месеци, велејќи тогаш дека има „таква нееднаквост во однос на изборот“.

„Би рекле: „Добро, дали жена може да го режира ова?“ Едноставно немаше голем број имиња што би можеле да ги земете предвид“, рече таа.

Кидман  потврди дека работела со 27 жени режисерки од нејзиното ветување пред осум години.

Само седум од 22-та филма во главната конкуренција во Кан оваа година се режирани од жени.

Иако ја исклучи можноста да напише сопствено сценарио, таа откри дека често се буди во текот на ноќта за да пишува.

„Тоа е многу зрело време за да се случат работите бидејќи сте во таа малку оддалечена состојба од реалноста“, рече таа.

„Се будам и ќе напишам нешто, било да е сон, било да е нешто што циркулира во мојот ум.“

Првото враќање на Кидман во Кан по осум години е доста значајно. Уште во април беше објавено дека Кидман ќе биде наградена на легендарниот филмски фестивал со наградата „Жени во движење“ за 2025 година.

„Никол Кидман, важна фигура во киното, изгради кариера обележана подеднакво со нејзината уметничка дрскост, како и со нејзината виртуозност и трансформативни портрети што го преобликуваа претставувањето на жените на екранот“, продолжува објавата. „Од „Очи широко затворени“ и „Часовите“ до „Големи мали лаги“ и „Бебешка девојка“, нејзината работа одразува длабока посветеност на смело, бескомпромисно раскажување приказни.“

Појавувањето на Кидман во Кан во 2017 година беше за нејзината улога во филмот на Софија Копола „Измамените“, во кој глумеше заедно со Кирстен Данст и Ел Фенинг.