Нигер ги прекина врските со Французите. Сега таму Русија испрати воени инструктори и систем за противвоздушна одбрана
Русија испрати систем за противвоздушна одбрана и 100 воени инструктори во Нигер, во Западна Африка, јави ДПА.
Односите на оваа западноафриканска земја со Москва се во центарот на вниманието откако хунтата ја презеде власта со државен удар минатата година и ги прекина долгогодишните воени и дипломатски врски со Франција.
Воениот персонал од руското Министерство за одбрана треба да го инсталира системот и да ги обучи војниците на Нигер за неговата употреба, јави нигериската државна телевизија РТН (RTN) доцна синоќа.
На овој потег му претходеше телефонски разговор меѓу шефот на воената хунта Абдурахамане Тчиани и рускиот претседател Владимир Путин, на крајот на март, додава германската агенција. Двајцата разговараа за „зајакнување на меѓусекторската и сеопфатна стратешка соработка меѓу Нигер и Русија за справување со актуелните закани, особено на безбедносното поле“.
До воениот удар минатиот јули, Нигер беше последниот демократски сојузник на САД, Франција и другите европски земји во борбата против исламистичките милиции во регионот Сахел, каде што џихадистите и натаму имаат големо влијание.
🇷🇺🇳🇪 | #Niger: Russian forces arrive in the African country of Niger on board Ilyushin Il-76 transport planes (one of the borts visible is RF-78795).
Following a military coup in 2023, Niger’s new junta tightened ties with Russia. French troops withdrew from the country by the… pic.twitter.com/taWmC49G0I
— Status-6 (Military & Conflict News) (@Archer83Able) April 11, 2024
Во март, хунтата ја прекина воената соработка со САД во борбата против тероризмот.
Германските вооружени сили управуваат со воздухопловна база во Ниамеј, чија иднина сѐ уште е нејасна.
Државната телевизија прикажа слики од руски авион „Иљушин-76“ како слетува на аеродромот во Ниамеј.
„Тука сме да ја обучиме армијата на Нигер користејќи ја воената опрема што пристигна“, рече маскиран маж со светла кожа во воена униформа со силно акцентиран француски нагласок.
Како и неговите соседи Мали и Буркина Фасо претходно, и Нигер се оддалечува од западните партнери, особено од поранешната колонијална сила Франција, и се врти кон Русија. Сите три земји беа управувани од војската по државните удари.