Неверојатно, но вистинито: Најдобрите кошаркари во светот не можат да ја вртат топката на еден прст
Кога ќе помислите на најдобрите кошаркари во светот како Леброн Џејмс и Стеф Кари, веројатно мислите дека нема потег што не можат да го направат со топката. Но грешите.
Кошаркарската репрезентација на Соединетите Американски Држави се подготвува за Олимписките игри во Париз, а во моментите на одмор на репрезентативците им беше дадена многу едноставна задача која повеќето деца можат да ја завршат – ја вртат топката на еден прст.
Но, оваа во основа едноставна задача е голем проблем дури и за кошаркарот кој е синоним за вештината на ракување со топката – Стеф Кари.
„Можам да направам многу работи со топката, но тоа е единственото нешто што не можам да го направам. Навистина е срамно“, изјави Кари, кој неуспешно се обидуваше да ја заврти топката на едниот прст.
„Не сум добар во ова“, тажно затоа што изјави Леброн Џејмс.
A skill not all possess… Who on the #USABMNT can spin a ball on their finger? 🤔👀🏀 pic.twitter.com/mRwKDfJOKO
— NBA (@NBA) July 8, 2024
Кевин Дурент, Клеј Томпсон, Џру Холидеј и Ентони Едвардс без проблем ја демонстрираа својата вештина бидејќи тоа го научија уште како деца, додека ниту Тајрис Халибартон ниту Џоел Ембиид не успеаја да ја завртат топката на прстот заедно со Кари и Џејмс.
Кошаркарската репрезентација на Соединетите Американски Држави во Ц групата на Олимписките игри во Париз ќе игра со Србија, Јужен Судан и Порторико.