НБА: Мајкл Џордан стручен коментатор на Ен-Би-Си

Њујорк – Еден од најдобрите кошаркари на сите времиња и шесткратен НБА шампион со Чикаго Булс, Мајкл Џордан, од следната сезона ќе биде стручен коментатор на американската телевизија Ен – Би-Си (NBC).

Телевизијата ги презеде медиумските права претходно оваа година, заменувајќи ја мрежата Ти-Ен-Ти (TNT), и на тој начин по 23 години повторно ги емитува натпреварите во НБА лигата.

Џордан, кој настапуваше во НБА како играч на Чикаго Булс и Вашингтон Визардс) и е косопственик на Шарлот Хорнетс прв пат ќе се обиде во улогата на стручен коментатор.

„Емитувањето на НБА натпреварите на Ен-Би-Си беше важен дел од мојата кариера, па затоа со нетрпение ја очекувам посебната улога што ќе ја играм во овој проект“, рече 62-годишниот Џордан.

Ен-Би-Си ги купи правата за емитување за следните 11 години, а ги пренесуваше натпреварите и о текот на 1990-те, кога Џордан беше на врвот на својата кариера и освои три последователни шампионски титули во НБА со Чикаго Булс во два наврати.