НАСА соопшти кога и каде Меѓународната вселенска станица ќе падне на Земјата

Меѓународната вселенска станица ќе работи до крајот на деценијата, а во 2031 година ќе падне во Тихиот Океан, во најоддалечената точка од копното.

Ова го соопшти американската вселенска агенција НАСА и со тоа го означи крајот на мисијата на заедничкиот проект на пет вселенски агенции кои орбитираат околу Земјата од 1998 година.

ИСС е постојано населена од 2000 година, а во нејзината лабораторија се направени повеќе од 3.000 експерименти. Според НАСА, по завршувањето на мисијата во 2030 година и падот на Пацификот една година подоцна, вселенската активност во близина на Земјата ќе ја води приватниот сектор.

Точката на паѓање е во областа, која се користи за многу стари сателити и други парчиња вселенски отпад.

Крајот на сегашната и почетокот на оваа деценија е краен рок, претходно споменат од Русија. Сепак, дури и одржувањето на ИСС до 2030 година не е загарантирано: секое продолжување по 2024 година мора да се договори со партнерите. Покрај НАСА, тука спаѓаат и европската, руската, канадската и јапонската вселенска агенција.

„Приватниот сектор е технички и финансиски способен да се развива и да работи на дестинации во ниската орбита на Земјата со помош на НАСА“, рече Фил Мекалистер, директор за вселенска трговија во седиштето на НАСА. Агенцијата се гледа себеси како лидер во вселенските активности во оваа орбита и вели дека преминот кон приватни компании таму ќе заштеди 1,3 милијарди долари од нејзиниот буџет – средства кои би можеле да се потрошат за други вселенски истражувања.