Пусто на некои од најпопуларните грчки острови среде сезона! „Тука е мртво, насекаде има празни места“ (ВИДЕО)

Мештаните велат дека ова е најлошата сезона од пандемијата.

Новинарот Роберт Шерман сведочи за лошата состојба на популарните грчки острови како Санторини и Миконос оваа сезона. Тој тврди дека затоа го пронашол совршеното место за патување, бидејќи овие острови се речиси празни. Во своето видео на TikTok, тој истакна дека „европските летови се откажани оваа година“, прикажувајќи видео од речиси пуст Санторини.

„Моментално сум на Санторини и островот е мртов, има слободни места насекаде“, вели Роберт, изненаден што дури и во екот на сезоната, во средината на јули, нема гужви, а цените се „изненадувачки ниски“.

„Дури и немам резервиран хотел за вечерва“, додава тој, „само ќе се прошетам и ќе одберам хотел по намалена цена“.

Во друго видео, тој препорача патување со брод како активност што мора да се проба на Санторини, прикажувајќи речиси празни бродови со само неколку посетители, објавува „Вечерњи лист“.

Да се потсетиме, ова не беше случај порано, па затоа овие острови беа меѓу најпосетуваните. Неодоливиот грчки шарм привлекуваше милиони туристи годишно, па островите дури воведоа и мерки против масовниот туризам.

Зошто островите сега се празни? Неговите видеа предизвикаа лавина од коментари и теории.

@robertshermantv Book Santorini now if you want to go for cheap #greekisles #cheap #travel #budgettravel #greece #santorini ♬ original sound – robertshermantv

„Санторини и Миконос пропаднаа поради чиста алчност“, напиша еден корисник на TikTok. „Цените сега се ниски и има места бидејќи имаше земјотрес во зима, па многу луѓе го избегнуваат Санторини ова лето“, објасни друг корисник.

„Луѓето се уморни од Санторини и Миконос. Тие се преполни, неавтентични и се повеќе личат на пејзаж за туристи. Пробајте ги Милос, Парос или Аморгос, полни се“, рече еден патник. Грк кој со години ги посетува островите вели дека самиот се откажал: „Цените нагло се зголемија, а одморот стана стресно искуство. Тоа веќе не е грчкиот шарм на кој сме навикнати“.

Слична ситуација на Крит
Според еден турист, дури ни Крит не го привлекува очекуваниот број посетители.

„Мештаните велат дека ова е најлошата сезона од пандемијата. Летовите се премногу скапи, а луѓето откажуваат или штедат на лице место. Штета е, бидејќи мештаните се најтоплите и најискрените луѓе што некогаш сум ги сретнал“.