Напредувањето на тајфунот „Ампил“ кон Токио откажа стотици летови и тргнувања на возови

Тајфунот „Ампил“ утринава продолжи да се движи кон Токио и другите источни области на Јапонија, а метеоролошката агенција ги повика жителите да се подготват за силни ветрови и обилни врнежи.

Откажани се голем број летови и тргнувања на возови.

Јапонската метеоролошка агенција предупреди на силни ветрови, лизгање на земјиштето, поплави и високи бранови, пренесуваат јапонските медиуми.

Се очекува тајфунот да донесе ветрови до 216 километри на час.

🇯🇵 Typhoon Ampil approaches eastern Japan while triggering storm warnings 🌀

⚠️Typhoon #Ampil was battering eastern Japan on Friday as a “very strong” storm, equivalent to a Category 2 hurricane, posing a threat of severe winds and heavy rainfall across a vast region.

🌧️ A… pic.twitter.com/xVHYyzaqDI

— Windy.com (@Windycom) August 16, 2024

Возните линии меѓу Токио и Нагоја во централна Јапонија, закажани за денеска, се суспендирани, а бројот на возови до и од Осака во западна Јапонија е ограничен.

Откажани се околу 650 меѓународни и домашни летови до и од аеродромот Ханеда во Токио и аеродромот Нарита, источно од јапонската престолнина, што влијаеше на околу 120.000 патници.

Метеоролозите прогнозираат дека тајфунот денеска ќе донесе до 300 милиметри дожд на квадратен метар во регионот Канто-Кошин, кој го опфаќа Токио.