Стотици илјади на пропалестински демонстрации во Лондон (Видео)
Лондон е домаќин на најголемиот протестен марш досега за поддршка на Палестинците во Појасот Газа, на кој, според полицијата, учествуваат околу 300.000 луѓе. Организаторите велат дека се собрале дури 800.000 луѓе.
Група екстремни десничари, кои претходно се собраа на контрамитинг, се судрија со полицијата за време на државната церемонија по повод Денот на сеќавањето на загинатите борци и ветерани од Првата светска војна.
Демонстрантите носат факели во боите на палестинското знаме и извикуваат „Стоп за бомбардирањето на Газа“.
Денешните демонстрации, кои се одржуваат секоја сабота од почетокот на конфликтот меѓу Израел и Хамас, се најголемите досега.
More video from the pro-Palestinian protest in #London today
According to local media reports quoting the police, about 300 thousand people took part in the action.
— NEXTA (@nexta_tv) November 11, 2023
A demonstration in support of #Palestine took place in #London today
Demonstrators started the march at Hyde Park, after which the column moved towards the US Embassy.
There were several clashes with the police. pic.twitter.com/eK8GNSDraE
— NEXTA (@nexta_tv) November 11, 2023
Претходно полициските сили се судрија со десничарските контрадемонстранти во Вајтхол. Контрадемонстрантите фрлаа шишиња и пиротехнички средства врз полицајците во Кинескиот кварт. Еден маж е уапсен поради сомнение дека поседувал нож, а друг поради сомнение дека поседувал палка.
Полицајците засега приведоа 92 контра-демонстранти, од кои поголема група е приведена на улицата Бриџ, веднаш до Вестминстерскиот мост. Полицајците велат дека следат „разни групи“ кои се движат од Вајтхол во други делови на централен Лондон.
Меѓу контрадемонстрантите има и екстремно десничарски групи – групи мажи кои го следат основачот на Англиската одбранбена лига Стивен Јаксли Ленон, познат како Томи Робинсон. Тој е познат активист на екстремната десница.
Лондонската полиција соопшти дека нивните полицајци биле соочени со насилство од контрадемонстранти, кои фрлале шишиња и други предмети.
На платформата Х, полицијата објави видео на кое се гледа како контрадемонстрантите туркаат полицајци и скандираат: „Не си Англичанец, не си Англичанец, не си повеќе Англичанец“.
Толпата, како што е најавено, ќе се движи по источниот раб на Хајд Парк, ѕидот на градината на Бакингемската палата, преку станицата Викторија до јужниот брег на Темза, покрај американската амбасада.
Најавата за одржување на пропалестински протести, кои оваа сабота се совпаѓа со Денот на сеќавањето, предизвика загриженост кај дел од јавноста дека собирот може да прерасне во немири и насилство.