(ВИДЕО) Најмалку 62 лица загинаа во протестите во Иран, запалена џамија во Техеран

САД се виновни за „трансформирањето на мирните протести во насилство, субверзија и широко распространет вандализам“ во Иран, изјави постојаниот претставник на Исламската Република во ОН пред Советот за безбедност.

Иран го осудува „континуираното, нелегално и неодговорно однесување на САД во координација со израелскиот режим во мешањето во внатрешните работи на Иран преку закани, поттикнување и намерно промовирање на нестабилност и насилство“, напиша иранскиот амбасадор во ОН, Амир Саид Иравани, во писмо.

Дипломатот го обвини Вашингтон за „дестабилизирачки практики“ што ја поткопуваат основачката повелба на ОН, ги кршат основните принципи на меѓународното право и ги загрозуваат темелите на меѓународниот мир и безбедност.

На улиците на Техеран, според ограничени информации од Иран, каде што е на сила прекин на интернетот што трае повеќе од 24 часа, протестите се одржаа синоќа и покрај заканувачките СМС-предупредувања до граѓаните да не учествуваат, објави Би-Би-Си. Во главниот град Техеран гневните демонстранти запалија џамија, а се палат и фотографиите на верскиот лидер Хамнеи. 

Најмалку 62 лица загинаа во анти-владините протести, јави вчера американската новинска агенција „Активисти за човекови права“.

Brave Iranian demonstrators have set a mosque in the Iranian capital #Tehran on fire! 💚💪🏻 #Iran #IranProtests 👇🏻 pic.twitter.com/6QDUgUg3Qi

— Sam van Rooy MP (@SamvanRooy1) January 9, 2026

Според агенцијата, која и во претходни бранови на насилство за време на протестите во Иран се покажала како точен извор, за време на демонстрациите биле уапсени најмалку 2.300 лица, пренесе БТА.