„Најголема грешка во прогнозата“: Како ураганот Отис го уништи милионскиот Акапулко
Еден ден по ужасниот удар на ураганот Отис на Акапулко, кој со ветрови од над 300 км/ч ја прекина комуникацијата со овој милионски мексикански туристички центар, бројот на жртви, кои според сите информации ги има, сѐ уште не е познат, ѐ штетата е непроценлива.
Отис се очекуваше да го погоди мексиканскиот брег во средата наутро, носејќи силен ветер и дожд. Меѓутоа, за само неколку часа бурата прерасна од тропска бура во катастрофален ураган од петта категорија, а милион луѓе се најдоа во центарот на најсилната бура досега што го погодила мексиканскиот брег на Тихиот Океан.
Hurricane #Otis makes landfall overnight near Acapulco with 165mph winds. It is the strongest hurricane to ever strike Mexico, surpassing Hurricane Patricia’s 150mph winds in 2015. pic.twitter.com/70qieSNy92
— Mike Bettes (@mikebettes) October 25, 2023
„Ова не беше случај кога некои компјутерски модели предвидуваат силна бура, а други послаба, па синоптичарите ја избираат златната средина. Ова беше над сите прогнозирани очекувања и така за разлика од се што се случило во последните 50 до 60 години“, рече Брајан Норкрос, експерт за урагани на Фокс.
Најголемиот регистриран ураган во историјата на овој регион беше бура од категорија 1 што го погоди Акапулко во 1951 година, со ветрови до 100 км/ч. Отис, пак, донесе ветрови до 330 км/ч, со речиси двојно зголемување на јачината на ветерот во текот на ноќта од вторник кон среда. Според директорот на Американскиот национален центар за урагани, Мајкл Бренан, таков раст не може да се предвиди ниту со компјутерски модели, ниту со извидување со беспилотни летала спроведено во вторник попладне, со цел да се утврди интензитетот на јакнењето на ураганот.
Норкрос ги објаснува причините зошто ураганот може да „експлодира“ вака. „Прво, тоа беше ураган во многу тесно подрачје, а кога таквите урагани ќе погодат населено место, тие прават голема штета. Исто така, имаше ненадеен пад на млазниот поток во близина, а исто така има и висока температура на водата долж брегот на Акапулко“, вели Норкрос и заклучува дека компјутерските модели очигледно не ги пресметале сите овие параметри.
Како што најави претседателот на Мексико, Андрес Мануел Лопез Обрадор, државата Гереро, каде што се наоѓа Акапулко, е целосно отсечена од светот. „Комуникациите се прекинати и поради тоа не можеме да го процениме бројот на загинати во ураганот“, рече тој на прес-конференција. Мексиканската телевизија N+ објави снимка од беспилотно летало на која се гледа степенот на штетата.
Поради штетите предизвикани од невремето, во прекин е воздушниот, патниот и поморскиот сообраќај кон Акапулко, а светските агенции јавуваат дека постои потенцијал за развој на хуманитарна катастрофа. Армијата е на терен и им помага на граѓаните во расчистувањето на урнатините и санирањето на непроценливата штета.
Фотографиите кои пристигнуваат од Акапулко покажуваат целосно уништени згради, хотели и трговски центри, а специјализираните метеоролошки локации не можат да бидат изненадени од погрешната проценка, пред сè од американските метеоролози, нарекувајќи ја „најголемата грешка во историјата на временската прогноза“. Имено, за вакви драстични урагани вообичаено се издаваат предупредувања и се организираат евакуации најмалку 24 часа пред ударот.