На југот на Англија 58.000 домови се без вода втор ден. За денеска најавија повисоки сметки

Водоснабдувањето вчераутро беше прекинато во 58.000 домови на југот на Англија поради технички проблем во Тествуд водоснабдување. Според Би-би-си, голем број училишта во областите Тест долина и Њу Форест ќе останат затворени втор ден по ред.

Снабдувачот на вода за јужниот дел на Англија, Саутерн Вотер, рече дека користел 23 танкери за „да се обезбеди снабдување со витални услуги“, од кои седум биле наменети за Универзитетската болница во Саутемптон.

Денеска беше објавено дека сметките за вода по домаќинство ќе се зголемуваат во просек за 31 фунта годишно во следните пет години. Регулаторот Офват рече дека зголемувањето од 36 отсто е доволно за водоводните компании да ги финансираат надградбите и да го намалат излевањето на отпадната вода.

Водата се враќа до крајот на денот
На десетици илјади луѓе кои останаа без вода поради дефект во фабрика за снабдување наскоро треба да им биде вратена водата. „Southern Water“ соопшти дека го решила проблемот во „Testwood Water Supply Works“ во Хемпшир преку ноќ и го рестартирал системот.

Водостопанството вели дека резервоарот се полни со вода за пиење за да се обнови снабдувањето откако 58.000 домови останаа без вода во делови од Саутемптон, Истли, Ромзи и Њу Форест. Од компанијата најавија дека корисниците во текот на денешниот ден ќе почнат да добиваат вода.