МВР го потврди нападот на секретарот на бугарскиот клуб „Цар Борис Трети“

20/01/2023 10:30
Министерството за внатрешни работи (МВР) излезе со детали за претепувањето на секретарот на бугарскиот клуб во Охрид, „Цар Борис Трети“. Според полицијата, лицето синоќа бил нападнато од тројца охриѓани.Според пријавеното од Х.П., во угостителски објект лоциран на кеј „Македонија“ во Охрид, а потоа и надвор од објектот, физички бил нападнат од С.К., С.К. и И.С., сите од Охрид и притоа се здобил со тешки телесни повреди, констатирани во Општата болница во Охрид. Известен е јавен обвинител и СВР Охрид презема мерки за расчистување на случајот, по што ќе следува соодветна пријава, соопштија од охридската полиција.

 

За немилиот настан синоќа прв информирал бугарскиот европратеник Андреј Ковачев. Според бугарските медиуми, по тој повод Ковачев веќе разговарал со шефот на македонската дипломатија, Бујар Османи.

„Тројца напаѓачи почнале да го удираат секретарот на бугарскиот културен клуб, го навредувале и му се заканувале дека ќе го убијат бидејќи е Бугарин и работи во центарот за култура. Веднаш ги известив бугарското и македонското МНР. Контактирав со министерот за надворешни работи Бујар Османи и го повикав веднаш да се позанимава со случајот, а по половина час ми напиша дека сите тројца напаѓачи се идентификувани“, изјави Ковачев.

Според него, состојбата на претепаниот секретар не е добра и вели дека има сериозни физички, но и психички повреди. 

Секретарот бил пренесен во охридската болница каде што му констатирале тешки телесни повреди.

Поврзани содржини

Сиљановска гледа решение во креативно толкување на Преговарачката рамка
Таравари: Јас поднесувам оставка, другите ќе бидат разрешени
Вицепремиерот Фетаи му врти грб на Таравари, сакал да остане во владата
Мицкоски уште чека Бугарија да попушти, тоа ќе му го каже на Кошта утре
Кошта во Црна Гора: Добрите односи со соседите членки на ЕУ се клучни во преговорите
Министерството за здравство останува во коалицијата „Вреди“, вели Билал Касами
Законот на СДСМ за помош на семејствата од Кочани не помина во Собранието
Мануел Сарацин: Речиси никој на Балканот не сака да прави реформи

Најчитани