Мухамед Зекири е новиот генерален секретар на Владата

Мухамед Зекири е избран за генерален секретар во Владата. Одлуката е донесена на последната владина седница, одржана денеска.

Имено, Зекири неодамна си поднесе оставка од пратеничката функција, а Собранието веќе ја констатираше оставката.

Потпретседателот на СДСМ го менува на позицијата Драги Рашковски, откако Дамјан Манчевски ја одби понудата .

Зекири во политиката е од 2016-та година, откако по 18 години во новинарството ја напушта професијата и се зачленува во партијата на Зоран Заев.

Беше кандидат за пратеник на парламентарните избори во 2016 во втората изборна единица, каде партијата освои осум мандати.

Зеќири основно училиште завршил во „Лирија“ – Чаир, а средно теолошко училиште во медресата „Иса Бег“ во скопското село Кондово. Дипломирал на студиите по новинарство на универзитетот на Југоисточна Европа во 2001 година.