Муцунски бара заеднички одговор со ЕУ за хибридните закани

09/10/2025 13:41

Регионалната соработка, европските перспективи на земјите од Западен Балкан и заедничките безбедносни предизвици се главните теми на кои дискутираа министрите за надворешни работи во рамките на Берлинскиот процес, меѓу кои и македонскиот министер Тимчо Муцунски.

На состанокот што се одржува во Белфаст, министерот Муцунски во своето обраќање ја нагласи потребата од заеднички одговор на современите безбедносни ризици – хибридни и сајбер закани, дезинформации, миграции, нелегално финансирање и организиран криминал, кои дополнително влијаат на безбедноста и на стабилноста, поткопувајќи ги институциите и јавната доверба.

 

„На состанокот беше истакнато дека политиката на проширување на Европската Унија претставува витална рамка за трансформација на општествата и за унапредување на добрососедските односи, демократските стандарди и владеењето на правото. Заедничко беше констатирано дека постепената интеграција, Планот за раст и Заедничкиот регионален пазар значајно го приближуваат Западен Балкан до Европската Унија и го прават пристапниот процес поопиплив за граѓаните“, соопшти Минстерството за надворешни работи и надворешна трговија.

Поврзани содржини

И според Управниот суд законска е дискриминацијата на Левица
Андонов: Функционерите се борат за службена картичка, тендери, секретарка и службен телефон
Апасиев ги повика граѓаните да ја тужат државата во Стразбур
ЗНАМ промовира прва ВИ-платформа за дијалог со граѓаните “Прашајте го градоначалникот со GPT“
И Стевчо Јакимовски и Сотир Лукровски најавуваат победа
Максим е подизведувач на ВМРО-ДПМНЕ и со такви не дебатирам, вели Филипче
Владиката Петар во Москва со патријархот Кирил се моли за победа на Русија во Украина
Мицкоски кокетира со идејата за предвремени парламентарни избори

Најчитани