Мицкоски се сретна со претседателката на словенечкиот парламент

Во рамки на официјалната посета на Македонија, денес се одржа средба со Уршка Клакочар Зупанчиќ, претседателка на Државниот збор на Република Словенија.



Средбата претставуваше можност за потврда на пријателските и партнерски односи меѓу двете земји, како и за отворање на нови можности за соработка во повеќе области од заемен интерес.

Разменивме мислења за унапредување на парламентарната соработка, со посебен акцент на размената на искуства и добри практики, како и на улогата на парламентите во процесите на европска интеграција и регионална стабилност.

Беше изразена благодарност за континуираната поддршка што Словенија ѝ ја дава на Македонија во нејзиниот европски пат, како и за јасната и недвосмислена позиција за важноста од забрзување на процесот на пристапување на земјите од Западен Балкан во Европската Унија.