Мигрантите ја опседнаа рутата низ Западен Балкан, ЕУ ќе предложи пакет мерки

Во првите десет месеци од 2022 година низ Западен Балкан преминале 128.000 мигранти, особено преку Србија


Само во октомври имало 22.300 илегални преминувања на мигранти во Западен Балкан

 

Еврокомесарката за внатрешни работи Илва Јохансон денеска ќе претстави пакет мерки за справување со миграцискиот прилив долж западнобалканската рута. Тоа доаѓа во пресрет на самитот за Западен Балкан во вторник во Тирана и Советот за правда и внатрешни работи во четврток.

Има пораст на миграцијата преку рутата на Западен Балкан – особено преку Србија – оваа година, при што мигрантите потоа преминаа во ЕУ. Според податоците на Фронтекс, граничната агенција на ЕУ, 281.000 премини без документи имало во Унијата во текот на првите 10 месеци од 2022 година — што е 77 отсто зголемување од истиот период во 2021 година. Од нив дури 128.000 илегални преминувања се регистрирани на западнобалканската рута. Од тие 22.300 регистрирани илегални влегувања има само во октомври, речиси три пати повеќе од пред една година. Австрија е една од главните дестинации за пристигнување мигранти, а многу од нив потоа одат во Германија и Белгија.

Досега оваа година, регионот на Западен Балкан има регистрирано најголем број на откриени од врвот на миграциската криза во 2015 година. Многу од лицата го злоупотребуваат безвизниот пристап во регионот. Некои мигранти кои користат безвизен пристап патуваат низ белградскиот аеродром, а потоа преку копно кон надворешните граници на ЕУ.

Одговарајќи на овој извонреден миграциски притисок, Фронтекс ги поддржува земјите од Западен Балкан со повеќе од 500 постојани офицери и персонал во регионот.

Се очекува за овој проблем кој станува сѐ поголем да се разговара утре на самитот ЕУ-Западен Балкан во Тирана, Албанија.

Јохансон ќе претстави акциски план од пет точки за справување со бранот на миграцијата. Петте столба ги објавува „Политико“

— Зајакнување на граничното управување долж трасата. Земјите од Западен Балкан ќе бидат охрабрени да соработуваат поблиску со Фронтекс во овој поглед.

— Обезбедување брз пристап до капацитетите за азил и поддршка на капацитетот за прием во земјите.

– Борба против криумчарење мигранти. Ова следува од состанокот на Јохансон со министрите за внатрешни работи во регионот на 3 ноември, каде што беше започнато оперативно партнерство против шверцот. Исто така, ќе има засилена улога на Европол.

— Обезбедување трети земји да се придржуваат до договорите за реадмисија и враќање.

— Политика за усогласување на визите. Во веројатно една од најзначајните најави, се очекува Комисијата да обезбеди ажурирање за ветувањето на Србија дека ќе ја усогласи својата визна политика со онаа на ЕУ кога станува збор за трети земји. Иако е постигнат напредок во земјите како Бурунди и Тунис, се очекува понатамошна имплементација на други, како што се Индија и Египет.

„ЕУ е сведок на својата најголема миграциска и азилантска криза од Втората светска војна“, вели Нина Грегори, извршен директор на Агенцијата за азил на Европската унија (ЕУАА). „Ова навистина е без преседан, а земјите-членки се мачат“, рече таа за „Политико“. Околу 5,3 милиони луѓе побарале заштита во ЕУ оваа година, вклучително и 4,7 милиони регистрации за привремена заштита од страна на Украинците.

Грегори го истакна напредокот што е постигнат во политиката за азил на ЕУ од кризата 2015-2016 година. „Во последните две години, Грција имаше 97.000 нерешени случаи за азил; сега им помогнавме да го намалат тоа на 17.000“, рече таа. (Треба да се забележи дека периодот на СОВИД ѝ помогна на Грција да го расчисти заостатокот бидејќи се намали бројот на мигранти што пристигнуваат на бреговите на Европа.) Сега, земјите како Белгија и Холандија се борат, рече Грегори. (Н.В.)