Мет Гала 2026: Ѕвездите на најпрестижниот црвен килим во светот (галерија)

Њујорк – Институтот за костимографија на њујоршкиот музеј „Метрополитен“ синоќа го организира добротворниот престижен настан, со најголемите холивудски ѕвезди на црвениот килим, а од недела до 10 јануари 2027 година, ќе ја организира изложбата  „Уметност на костуми“, и инаугурација на значителни нови галериски простори.

Традиционална домаќинка на настанот беше Ана Винтур, глобален директор во „Конде Наст“, а во улога на кодомаќини годинава се појавија Бијонсе, Никол Кидман и Венус Вилијамс. Копретседатели на Комитетот за домаќини на галата се Ентони Вакарело и Зои Кравиц.

Темата на Мет Гала во 2026 година и поврзаната изложба е „Уметност на костуми“, која „ја испитува централната улога на облеченото тело низ времето и културата, споредувајќи облека и уметнички дела од огромната колекција на Музејот за да создаде комбинации што ја истакнуваат неделивата врска помеѓу облеката и телото“, според Мет.

Како и секогаш, кодексот на облекување е инспириран од годишната пролетна изложба на Мет модниот институт. Целата поента на галата е да се соберат пари за Модниот институт, кој е единствениот оддел во музејот кој треба да плаќа за себе.

Мет Гала, која се одржува секоја година првиот понеделник во мај, е веројатно најпосакуваната и најексклузивна влезница во светот. За една спектакуларна ноќ, избрана група од глобалната елита – вклучувајќи холивудски кралски семејства, влијателни политичари, музичари на топ листите и културни моќници – се искачуваат по скалите на музејот. Настанот е драматичен спектакл каде што гостите ги изложуваат своите најамбициозни, честопати поместувачки граници, толкувања на темата на годината.

Годинава, галата е спонзорирана од „ Ив Сен Лоран“, „Конде Наст“ и Џеф Безос и Лорен Санчез Безос.

Еве, како изгледаше годинава, најпрестижниот црвен килим во светот, по Оскарите: 

(Извор: Харперс Базаар)