Меџити не се повлекува, ќе биде и министер и кандидат за градоначалник

04/08/2025 13:28
Изет Меџити (Фото: Б. Грданоски)
Премиерот Христијан Мицкоски денеска изјави дека вицепремиерот и министер за животна средина и просторно планирање, Изет Меџити, ќе продолжи да ги извршува своите обврски и покрај неговата најавена кандидатура за претстојните локални избори.
 
-Секој министер има и заменик-министер. Тие не поднесуваат оставка. Нормално е дека ќе ги извршуваат своите обврски во рамки на ресорите каде што се министри и истовремено ќе бидат кандидати“, истакна Мицкоски, додавајќи дека ова не е првпат функционери да се кандидираат додека се на јавна функција.
 
Според премиерот, вакви случаи биле честа пракса и во минатото, и дека нема причина да се очекуваат нарушувања во работењето на институциите.
 
„Сето она што претставува нормално функционирање на институциите ќе продолжи во таа насока“, додаде тој.
 
Проблемот е во тоа што на премиерот никој не му кажал дека „нормалното“ функционирање на институциите во Македонија граѓаните не го гледаат како нормално и што узурпацијата од политиката веќе го нарушува граѓанското секојдневие, кое со вакви самодадени привилегии на политичарите, станува неподносливо.
 
Уште повеќе што на почетокот на плурализмот имаше повеќе одговорност за демократскиот процес и кандидатите за други функции си даваа оставки на претходните, како што направи Теута Арифи кога се кандидираше од вицепремиер за градоначалник или Горан Сугаревски за директор на Царина. Вака политиката почнува да наликува на политичка окупација.
 
Инаку, министерот за животна средина и прв вицепремиер Изет Меџити најави кандидатура за Чаир, а  Фатмир Лимани ќе биде кандидат на Вреди за Кичево.

Поврзани содржини

Собранието да донесе резолуција со нашите црвени линии, а ако има ново вето да ги прекинеме преговорите со ЕУ, предлага Филипче
Филипче: СДСМ оди на победа во Крива Паланка
ДИК: 13 постапки за независни кандидати за градоначалници, во пет општини се собираат потписи за советници
Перински ги обвини СДСМ и ДУИ за недонесување на измените за Законот за локална самоуправа
Јамалари тврди: Не сакал да ја удри Арсовска туку да и го земе телефонот
Мицкоски и Филипче денеска во исто време во Крива Паланка. Само на две различни страни
Шукова: Време е да ги издигнеме Скопје и Бутел
(Видео) Објавена првата кандидатура за Кочани: Венко Крстевски како независен  ќе се бори за градоначалничкото место

Најчитани