Медведев без загубен сет до осмина финалето на УС Опен

Данил Медведев лесно го реши мечот против Италијанецот Фабио Коболи и се пласираше во 1/8 финалето на УС Опен. Русинот без загубен сет не дозволи ново изненадување, откако од турнирот испаднаа и Карлос Алкараз и Новак Ѓоковиќ.

Медведев уште на стартот доминираше, и со 6-4, 6-4 и 6-3 го „збриша“ противникот, за пласман меѓу најдобрите 16 на турнирот. Таму ќе игра против Нуно Боргеш од Португалија. Медведев е еден од фаворитите за освојување на турнирот.

Во следната рунда се пласираше и Алекс де Минор од Австралија, кој го совлада Британецот Даниел Еванс со 3-1, во сетови 6-3, 6-7, 6-0 и 6-0.