Мбапе го одби најголемиот договор во историјата на фудбалот

Клубот од Саудиска Арабија, Ал Хилал, пред неколку дена официјално му понуди на ПСЖ 300 милиони евра обештетување за Килијан Мбапе, откри тогаш најсигурниот извор од пазарот Фабрицио Романо.

Подоцна во текот на денот тој објави дека ПСЖ ја прифатил понудата. Тоа е највисоката понуда за играч во историјата.

Сумата е сензационална и поради тоа што е толку висока и покрај тоа што Мбапе има уште само 11 месеци од договорот со ПСЖ и без разлика што се знае дека сака да го напушти Париз.

Саудискиот клуб досега го надмина претходниот рекорд од 222 милиони евра. Тоа го понуди ПСЖ на Барселона за Нејмар пред шест години. Сепак, Мбапе, објави Романо, одбил какви било преговори со Саудијците.

И Французинот можеше да заработи огромни пари. Вака Романо пишуваше за понудата кога првпат се појави веста. „Преговорите меѓу Мбапе и Ал Хилал се уште не се започнати. Засега ПСЖ и Ал Хилал преговараат за начинот на исплата од 300 милиони евра како обештетување, што беше понудено од саудискиот клуб, а прифатено од францускиот клуб. Ал Хилал му нуди 200 милиони евра нето годишна плата“, објави тој. потоа Романо додаде:

„Може да го достигне споменатиот пакет од 700 милиони евра само доколку во него се вклучат и комерцијални договори. На пример, оние кои би му оставиле 100 отсто од правата на имиџот на Мбапе.