Марко Рубио ќе се сретне со кинескиот министер за надворешни работи на маргините на АСЕАН

Американскиот државен секретар Марко Рубио денеска ќе се сретне со кинескиот министер за надворешни работи Ван Ји на маргините на состанокот на шефовите на дипломатиите на АСЕАН во Малезија, соопшти американскиот Стејт департмент.

Средбата доаѓа во период на засилени тензии меѓу Вашингтон и Пекинг поради низа прашања – од нелегална трговија со фентанил, преку прашањето на Тајван, до развојот на напредни технологии.

Рубио вчера изјави дека доколку дојде до директна средба со Ван Ји, ќе ја отвори и темата за војната во Украина, како и други безбедносни прашања од меѓународно значење.

Средбата е закажана за 15:00 часот по локално време (9 часот по македонско време).