Макрон повторно најавил поддршка за Македонија
Претседателот на Франција, Емануел Макрон на првиот состанок на Европската политичка заедница во Прага, уште еднаш ја потврдил француската поддршка на евроинтегративниот процес на Северна Македонија, напиша на Фејсбук премиерот Димитар Ковачевски од самитот во Прага.
Ковачевски е еден од 44 лидери кои денес ќе расправаат за Украина, за енергетската криза и за економската состојба предизвикана од неа, но межу редови се тркала и дилемата дали овој формат е замена за членство во Европската унија.
Ковачевски на самитот имаше кратка средба и со турскиот лидер Реџеп Таип Ердоган.
