Македонскиот брас квинтет ќе настапи во Софија

Во Културно-информативниот центар на Република Северна Македонија во Софија вечер ќе се одржи концерт на Македонскиот дувачки квинтет, јави дописникот на МИА од Софија.

На концертот ќе учествуваат Драган Младеноски – труба, Александар Златески – труба, Антонио Костевски – француски хорна, Димче Белчовски – тромбон и Александар Нинич – туба.

Македонскиот дувачки квинтет е формиран во 2017 година како иницијатива за правење музика во најпознатиот формат за камерна музика за дувачки инструменти.

Во својата кратка, но богата историја, бендот има многу настапи, од кои во Њујорк во 2018 и 2019 година и во Истанбул во 2021 година, како и серија концерти во Берово, Кочани, Скопје, Штип, Неготино и Куманово. Репертоарот на Македонскиот дувачки квинтет е составен од различни музички жанрови, од самба до филмска музика и од традиционална македонска народна музика до џез.