Македонски концепт ја промовираше партиската доктрина за „прогресивен патриотизам“

Политичката партија Македонски Концепт вчера, на Меѓународниот ден на човечката солидарност, ја промовираше партиската доктрина, клучен стратешки документ на партијата кој  ја одредува партиската идеологија и истиот ќе биде рамка за следните изборни програми.

Со овој документ Македонски Концепт се декларираше како прогресивна десница, а за своја официјална идеологија – прогресивниот патриотизам.

На промоцијата свое обраќање имаше националениот тим лидер на Македонски Концепт, Петар Богојески кој истакна дека големиот број на присутни на настанот е доказ дека граѓаните го согледале излезното решение, кое е уникатно и го нуди само таа партија и дека успехот им е на дофат со можност да се запишат со големи букви во македонската историја.

Обраќања имаа и низа партиски тим лидери на повеќе партиски структури, вклучително и од дијаспората од САД и ЕУ.