(Видео) Пороен дожд во Тетовско: Пожарникарите спасија 11 патници од заглавено комбе и маж од автомобил
Интензивниот повеќе часовен дожд во Тетово, денес, е причина повторно да има поплавување на коловозните ленти на булеварот „Благоја Тоска“ околу последниот кружен тек кај касарната. Полицијата ги пренасочува возилата да одат по други улици.
Од ТППЕ Тетово информираат дека имаат повици за интервенции во Мала и Голема Речица, каде се испумпува вода од поплавени куќи и нивните дворови и подруми.
Тетовските пожарникари попладнево извлекоа комбе заглавено во насобрана дождовна вода кај подвозникот во Желино. Така се спасени 11 патници. Интервенцијата ја изведоа четворица пожарникари од ТППЕ Тетово,
Во Желино, од поплавено возило, пожарникарите го извлекувале возачот.