Македонија со највисоки загуби на вода во регионот, Бислимоски ветува подобра инфраструктура

Загубите на вода низ Македонија се доста високи со децении, некаде над 60 отсто, но никакво подобрување на системите и цевководите, не ја сменило сликата. 

– Во Македонија загубите на вода се некаде на ниво на цела држава 62-63 проценти. Тоа пред сѐ се должи на голем број импровизации во овој сектор и на неинвестирање во инфраструктура и подобрување на таа инфраструктура. Ние како РКЕ во повеќе наврати кажавме дека не бегаме од одговорност и сме подготвени да ја определуваме крајната цена за сите водни услуги – вели Марко Билсимоски од Регулаторната комисија.

Тој најавува поголеми инвестиции во водоводната мрежа, поправање на дотрајаните системи, а воедно, смета дека намалувањето на загубите ќе значи фактурирани зголемени количини, што нема да доведе до зголемување на цената кај крајниот корисник.

– Имајќи го во предвид нашето искуство и во енергетиката, со тоа што гарантираме дека ќе ја подобриме ефикасноста на компаниите ќе овозможиме поголем број инвестиции и за сметка на тоа ќе ги намалеиме загубитре на вода на државно ниво и при тоа нема да предизвикамен никакви ценовни шокови. Значи со намалувањето на загубите ќе се зголемат количините кои ќе се фактурираат и на тој начин нема да има никакви потреби за зголемување на цените на водните услуги – додава Бислимоски.

Потенцира дека во однос на земјите од регионот сме една од земјите со највисоки загуби.