Мајкл Медсен се разведува по 28 години брак

Мајкл Медсен поднесе барање за развод од неговата отуѓена сопруга ДеАна Медсен по 28 години брак.

Според судските документи до кои дојде PEOPLE, актерот од Kill Bill (66), ги наведе непомирливите разлики како причина за разделбата, тврдејќи дека тие се разделиле кратко по смртта на нивниот 26-годишен син Хадсон кој се самоуби на 25 јануари 2022 година.

Документите од вторник, 17 септември беа поднесени во судот во Лос Анџелес и наведено е дека парот се венчал на 15 април 1996 година.

Во изјавата потпишана од Медсен и прикачена како дел од правното поднесување, ѕвездата ја обвини својата отуѓена сопруга дека го натерала нивниот син „во самоубиство“,  „со нејзиното занемарување, пиење и алкохолизам“. 

Медсен, кој го застапува неговиот долгогодишен адвокат Пери Вондер во поднесувањето,  ги негирал обвиненијата за семејно насилство против него од страна на ДеАна минатиот месец.

„Во шок сум бидејќи мојот син, со кого штотуку разговарав пред неколку дена, рече дека е среќен – мојот последен текст од него беше „Те сакам тато“, рече актерот во изјавата за медиумот, по самоубиството.

„Не видов никакви знаци на депресија. Тоа е толку трагично и тажно. Само се обидувам да разберам сè и да разберам што се случи“, додаде тој тогаш.

„Тој имаше типични животни предизвици што ги имаат луѓето со финансиите, но сакаше семејство. Гледаше кон својата иднина, па тоа е чудно. Едноставно не можам да сфатам што се случи“, продолжи Медсен.

Медсен и ДеАна ги делат и синовите Калвин (27) и Лук (18), додека актерот е татко на синовите Кристијан (34) и Макс (30) од претходната врска со Жанин Бисињано.